Lajm i keq për Real Madridin dhe sidomos për Brazilin. Mbrojtësi rrezikon të humbë Kupën e Botës

Një nga problemet më të mëdha që ka pasur Real madrid këtë sezon dhe sigurisht që ka ndikuar edhe te rezultatet kanë qenë dëmtimet e shumta. Aktualisht, në infermieri janë disa emra të rëndësishëm si Aurelien Tchouameni, Thibaut Courtois, Arda Guler, Rodrygo dhe së fundmi Eder Militao.

Dëmtimi i mbrojtësit brazilian në këmbën e majtë në fitoren 2-1 ndaj Alaves, ka rezultuar më i rëndë nga sa mendohej fillimisht. Nëse nuk do t’i nënshtrohet ndërhyrjes kirugjikale, Militao pritet të rikthehet në fushë pas pesë javësh, por rreziki i ridëmtimit është shumë i mundshëm në këtë rast. Sezoni me Real Madrid është praktikisht i mbyllur.

Në rasts e mbrojtësi do t’i nënshtrohet operimit, atëherë mungesa në Kupën e Botës është 100% e sigurt. Por në këtë rast, shanset që ridëmtimi të përsëritet janë të ulta. Qendërmbrojtësi është në mëdyshje të madhe dhe sipas Marca, ende nuk ka vendosur se çfarë do të bëjë.