LDK vendos: Arban Abrashi është kandidat për kryetar të Prishtinës
Ish-ministri i Punës dhe Mirëqenies Sociale, Arban Abrashi, do të jetë kandidat i LDK-së për kryetar të Prishtinës, në zgjedhjet lokale të 22 tetorit. Kryesia e LDK-së, në takimin e të martës ka marrë vendim për kandidimin e deputetit të LAA-së për kryetar.
Rrjedhimisht, Abrashi do të jetë në garë me kryetarin aktual Shpend Ahmeti nga VV-ja dhe Arbër Vllahiun të kandiduar nga AAK-ja. Derisa, PDK-ja ende nuk ka njoftuar për emrin me të cilin synon ta marrë Prishtinën.
Ndryshe, për t’u kandiduar nga LDK-ja për Prishtinën, synime haptas ka pasur edhe ish-kryetari i Prishtinës, Ismet Beqiri. Megjithatë, LDK-ja ka vendosur që me Arban Abrashin të synojë ta kthejë qeverisjen në kryeqytet, pasi kryetari i saj Isa Mustafa humbi drejtimin e komunës në dhjetor të 2013-s, në balotazh me Shpend Ahmetin.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.