Lëvizja e lirë/ Rama replikon me Metën: Shqetësohu për vizën që i ke vënë figurës së kreut të shtetit
Kryeministri Edi Rama ka replikuar me presidentin Ilir Meta pas deklaratës së këtij të fundit se “vëren me shqetësim të thellë rrezikun e rivendosjes së regjimit të vizave Shengen për Shqipërinë.”
Duke theksuar se vizat nuk kanë asnjë shans që të rikthehen, Rama kërkon nga Meta që të shqetësohet vetëm për “vizën qe i ka vënë figurës së kreut të shtetit”, duke e akuzuar se është pjesë e “frontit politik kundër zgjedhjeve dhe kundër drejtësisë”.
“Ilir Meta mos shqetësohet për rikthimin e vizave (vizat nuk ka asnjë shans të rikthehen) po të shqetësohet për vizën qe i ka vënë figurës së kreut të shtetit, duke u bërë pjesë e frontit politik kundër zgjedhjeve dhe kundër drejtësisë! Ky front kundër Shqipërisë do dështojë. Me turp”, shkruan Rama.
Meta deklaroi sot se po vëren me shqetësim situatën, sidomos pas depozitimit të kërkesës së Holandës për pezullimin e vizave dhe deklaratës së komisionerit Avramopoulos që paralajmëroi së fundmi masa kundër Shqipërisë.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.