Libri shqip prezantohet në Kinë
Disa shtëpi botuese shqiptare po marrin pjesë në Panairin e 23-të Ndërkombëtar të Librit në Pekin. Kjo është hera e parë që botuesit shqiptarë ekspozojnë librat e tyre në këtë panair.
Një grup botuesish të shtëpive botuese shqiptare po prezantohen në Panairin Ndërkombëtar të Librit në Pekin.
Kështu ka bërë të ditur Shtëpia Botuese Onufri e cila po mërr pjesë me titujt e saj në këtë ngjarje librare.
Sipas njoftimit, krahas botuesve nga e gjithë bota,në këtë panair po marrin pjesë edhe shtëpitë botuese nga Tirana: “Onufri”, Shtëpia Botuese “Dituria”, “Gjergj Fishta”, “Ombra GVG Publishing House”, si dhe shtëpia botuese e drejtuar nga Teuta Mati.
Prezantimi i librit Shqip në Kinë është bërë i mundur nga Shoqata e Botuesve Shqiptarë.
Kjo është hera e parë që botuesit shqiptarë ekspozojnë librat e tyre në këtë panair.
Panairi i 23 Ndërkombëtar i Librit në Pekin ka nisur dje dhe do të jetë i hapur deri më 28 gusht
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.