Lista Serbe pa qëndrim për FAK-un

Derisa zyrtarët e lartë institucional të vendit kanë deklaruar se rreth themelimit të Forcave të Armatosura të Kosovës ka përafrim të qëndrimeve me partnerin serb të koalicionit, pala tjetër këtë e  mohon.

Deputeti i Listës serbe, Nenad Rashiq i ka thënë  RTV Dukagjinit se në këtë drejtim ka pasur vetëm një  bisedë, që ai e quajti informative.

“Thënë saktën ka qenë vetëm një bisedë informative që kryeministri e ka pasur me përfaqësuesit e qeverisë. Në këtë takim vetëm është dorëzuar Ligji për FAK-un, i prezantuar si ligji për Ushtrinë e Kosovës. Pas kësaj asgjë nuk është biseduar me zyrtarët e qeverisë. Pasi që gazetarët kanë dëgjuar  se kishte një takim informativ, mund ta citoni takim informativ, dhe kur janë pyetur përfaqësuesit e qeverisë, mendoj zv. kryeministri dhe ministri, ata kanë mohuar”.

“Kështu, nuk ka pas sur asnjë takim me ne, që do të duhej ta marrim përgjegjësinë e votimit dhe çfarëdo që do të thosha rreth përafrimit të qëndrimeve, do të ishte e tepërt”.

I pyetur se çfarë është gatishmëria e Listës serbe për themelimin  FAK-ut, Rashiq ka thënë se nuk mund të kenë qëndrim për një çështje për të cilën nuk është biseduar.