LSI dhe LRI në Shkodër padit Berishën për shpifje e falsifikim

LSI dhe LRI në Shkodër kanë përgatitur një padi penale ndaj ish-kryeministrit Sali Berisha për shpifje dhe falsifikim. Kallëzimi vjen pas pretendimeve të Berishës se në Shkodër po shpërndahen “tollona për blerjen e votës”, – thuhet në një njoftim për shtyp të LSI-së.

“Lëvizja Socialiste për Integrim dhe Lëvizja Rinore për Integrim në Shkodër, hedhin poshtë me neveri shpifjen e radhës së Sali Berishës dhe gazetës “RD”, të cilat kërkojnë të manipulojnë të vërtetën dhe të dezinformojnë opinionin publik”, – thuhet në reagim.

Sipas LSI-së dhe LRI-së, kjo është pjesë e një skenari të mundshëm të bojkotimit të zgjedhjeve, pikërisht për shkak të frikës së pashmangshme.