Luan Rama: Reforma në drejtësi është detyrim ndaj qytetarëve
Gjatë fjalës së tij në Konventën e LSI-së në Gjirokastër, Sekretari i Përgjithshëm, Luan Rama theksoi rëndësinë e miratimit të reformës në drejtësi, si një detyrim ndaj qytetarëve shqiptar.
Sipas tij, klasa politike duhet të dëshmojë përpara opinionit publik dhe opinionit ndërkombëtar që dinë të bëjmë zgjedhjet më të mira të mundshme për Shqipërinë.
“Reforma në drejtësi do të bëhet për të garantuar standarde evropiane të drejtësisë në këtë vend. Për të garantuar shërbim evropian për qytetarët dhe ndëshkim evropian për këdo që nuk respekton ligjin. Roli i LSI do të jetë roli që do ta çojë Shqipërinë në rrugën e integrimit evropian të vendit. Reformat janë të pakthyeshme dhe do të kurorëzohen me sukses”- deklaroi Luan Rama.
Sekretari i Përgjithshëm, Luan Rama përgëzoi LSI-në e Gjirokastrës dhe ftoi të gjitha strukturat e Lëvizjes Socialiste për Integrim në mbarë vendin që të mësojnë të marrin shembull dhe të ndjekin shembullin e LSI-së së Gjirokastrës.
