Macovei: Politika të bashkëpunojë për negociatat me BE, zyrtarët me rekorde kriminale të largohen

Partitë politike shqiptare duhet të jenë të bashkuara kur të fillojë hapja e negociatave me BE. Deklarata u bë nga Kreu i Delegacionit të PE për Shqipërinë Monica Macovei.

Ajo u shpreh se Parlamenti shqiptar duhet të sjellë ndryshime dhe se duhet të kapen rastet e korrupsionit, mashtrimit dhe krimeve. Macovei theksoi se zyrtarët me rekorde kriminale duhet të largohen dhe akuzat duhet të hetohen, pavarësisht personave të përfshirë. Sa i përket zgjedhjeve vendore më tej kreu i PE për Shqipërinë kërkoi që të verifikohen listat zgjedhore sa më shpejtë.