Maqedoni, arrestohen disa ish zyrtarë të Ministrisë së Mbrojtjes, abuzimi 2.5 milionë USD
Disa biznesmene dhe ish zyrtarë të ministrisë së mbrojtjes në Maqedoni janë arrestuar mëngjesin e sotëm, pas dyshimeve për shpërdorim të rreth 2,5 milionë dollareve.
Shpërdorimin dyshohet se e kanë bërë gjatë servisit ë helikopterëve të ministrisë së mbrojtjes. Aksioni sipas Ministrisë së Punëve të Brendshme po vijon ende dhe më shumë detaje do ketë ne vazhdim te ditës. Mësohet se Nelko Menkinovski, Vanço Georgiev me të afërmit e tij dhe drejtori i kompanisë Suvenir, Samokov janë mes të arrestuarve. Menkinovski ishte bashkëpunëtor i afërt me Vllado Buçkovskin, ish ministër i Mbrojtjes. Emri i tij përmendet edhe në aferën e tankeve, per te cilen u dënua me dy vjet burg. Vanço Georgiev, është ish deputet nga radhët e LSDM-së dhe pronar i firmës Delikates. Ai ka qenë njëri nga financierët e opoztës së sotme ne Maqedoni, kurse në vitet 90 ka financuar edhe ekipin e basketbollit “Koçani”.
