Më falni….flisni emoji?

Emoji është gjuha që po merr një zhvillim të shpejtë në të gjithë botën.

Kështu thotë profesori Vyv Evans në Universitetin e Bangor, i cili po studion “shpejtësinë e evoluimit” në përdorimin e ikonave të vogla, në vend të fjalëve.

“Si një gjuhë vizuale, emoji, ka eklipsuar gjithashtu dhe hieroglifet, paraardhësin e saj egjiptian, të cilit iu deshën shekuj që të zhvillohej”, thotë Evans.

Në një vëzhgim të TalkTalk Mobile, 72 % e personave nga mosha 18 deri në 25 vjeç thonë se gjejnë më të lehtë të shprehin ndjenjat e tyre nëpërmjet ikonave emoji, sesa përmes tekstit.

Profesor Evans thotë se: “Emoji është forma e gjuhës që po merrn një zhvillim shumë të shpejtë në histori, bazuar në adoptimin e saj të pabesueshëm dhe shpejtësinë e evoluimit”.

Nga ana letrare emoji do të thotë “pikturë” (e) + “karakter” (moji) në japonisht. Ajo u shtua në Fjalorin e anglishtes së Oksfordit në 2013.

Ylli i tenisit, Andy Murray bëri të ditur ditën e tij të dasmës muajin e kaluar duke shkruar historinë e ditës vetëm me emoji. Dhe gjiganti i teknologjisë Apple kohët e fundit ka shfaqur emoji ‘të ndryshëm’, duke shtuar edhe opsione të ndryshimit të ngjyrës dhe fytyrave të ndryshme.