Me kerkesë të Putinit, Kryeministri Medvedev jep dorëheqjen

Kryeministri rus Dmitry Medvedev ka njoftuar se jep dorëheqjen së bashku më të gjithë kabinetin kryeministror.

Mediat ruse raportojnë se Qeveria e kryeministrit rus, Dmitry Medvedev, ka dorëzuar dorëheqjen te presidenti Vladimir Putin. Disa agjenci lokale të lajmeve raportojnë se Putin do të vendosë për përbërjen e qeverisë së re.

Interfax, pa e përmendur burimin, tha se Putin e ka udhëzuar qeverinë në largim që t’i kryejë detyrat derisa të formohet administrata e re. Po sipas të njëjtës agjenci, Putin planifikon të krijojë edhe pozitën e zëvendëssekretarit të Këshillit të Sigurisë Ruse dhe se posti do t’i ofrohet Medvedevit.

“Ne si qeveri e federatës ruse duhet t`i japim presidentit tonë të gjithë mjetet e nevojshme për realizimin e masave të kërkuara prej tij. Për këtë arsye, largohemi të gjithë si qeveri, tha Medvdev.

Duke iu drejtuar Asamblesë Federale në 15 janar, Putin propozoi një reformë kushtetuese në Rusi, e cila do të çonte, nëse adoptohej, në shkarkimin e kreut te ekzekutivit nga parlamenti. Reforma megjithatë nuk e vë aspak në pikëpyetje karakterin presidencial të pushtetit në Rusi.