Mediat serbe: Ja serbët që “po vdesin” në Hagë. A po i mbyt Haga ata?

Në njësinë e paraburgimit të gjykatës së Hagës në Sheveningen deri më tani ekzistojnë shumë raste kur kanë humbur jetën shumë serbë, nga të cilat, rasti më misterioz mbetet ai i udhëheqësit serb, Sllobodan Milloshevic, vlerësojnë mediat në Serbi.

Sipas informatave të fundit që vijnë nga ICTY, gjendja shëndetësore i është përkeqësuar Vojisllav Sheshelit (kancer në mëlçi) dhe Goran Haxhiçit (sulm në zemër), transmeton Telegrafi.

Mediat në Serbi kujtojnë vdekjet e serbëve të famshëm në objektet e paraburgimit në Sheveningen.

Udhëheqësit të SRS-së, Vojislav Sheshelit, i cili është në qelinë e Tribunalit të Hagës për 12 vite, i është konstatuar një rritje e kancerit të mëlçisë, ndërkaq ish-presidenti i “Republikës së Kninit”, Goran Haxhiç të enjten pësoi një atak në zemër!

Sipas medieve në Serbi, janë pesë serbë që qëndrimin në Sheveningen e kanë “paguar me kokë”.

* Milan Kovacevic vdiq në vitin 1998 si rezultat i problemeve shëndetësore;

* Slavko Dokmanovic, u gjet i varur në njësinë e burgut të Tribunalit të vitit 1998;

* Momir Talic, vdiq pasi ai u lirua nga Haga për shkak të shëndetit të keq (iu konstatua kancer në mushkëritë e tij);

* Milan Babic, në qelinë e tij në vitin 2006, u gjeti trupi i tij i vdekur, dyshohet të jetë varur.

Mediat serbe insistojnë se megjithatë, deri më tani, rasti më misterioz i vdekjes në Sheveningen, i ndodhur në vitin 2006, mbetet gjetja e trupit të pajetë të udhëheqësit të RFJ-së dhe SPS-së, Sllobodan Milloshevic, për të cilin, sipas medieve serbe, shokët e tij thonë se ai u vra.