Meta: Basha kërkon dorëheqjen time për respektin që tregoj ndaj Berishës
Kërkesën e Lulzim Bashës për dorëheqje, Ilir Meta e interpreton si pakënaqësi të kreut të opozitës për respektin që kryetari i Kuvendit tregon ndaj Sali Berishës në Parlament.
“Është i vetmi kryetar opozite i cili në vend që të kërkojë dorëheqje, siç kërkohet nga kryetarët e opozitës në të gjithë Europën dhe botën, kërkon dorëheqjen e kryetarit të Kuvendit. Unë e kuptoj kush është arsyeja e tij e vërtetë ..është pakënaqësia e tij e thellë për respektin maksimal që unë tregoj jo vetëm për demokratët në Parlament, por sidomos për liderin historik z. Berisha duke i dhënë mundësinë të shprehë pa kufi qëndrimet e tij politike”, tha kreu i Kuvendit.
Lidhur me zërat që përflasin një ftohje të LSI-së me ndërkombëtarët dhe me koalicionin qeverisës, Meta e mohoi këtë.
“Lëvizja Socialiste për Integrim ka marrëdhënie të shkëlqyera me ndërkombëtarët, dhe koalicioni PS- LSI është në nivelet më të larta. Asnjë kandidat i LSI nuk ka pasur asnjë problem që të krijonte shqetësim më të vogël me ndërkombëtarët. Nuk më është paraqitur asnjë shqetësim për asnjë deputet të LSI nga ndërkombëtarët apo të asnjë ministri. Do të jem shumë shpejt pas 3 javësh në SHBA. Dhe do komunikoj me ju nga Uanshingtoni”, është shprehur Meta.
Lereni lloçet e kavajes dhe pergjigjuni akuzave te cilat jane konkrete, si mundet te silleni ne kete menyre me shqiptaret e thjeshte te cilet po luftojne per dite per mbijetese ne vendin e te pareve te tyre,ku,nuk mungojne pasurite e ketij vendi, por juve i bëte ato te paprekshme per njerezit e ketij vendi por i moret te gjitha. Ne ato zona ku prodhohet e gjithe ajo para siç jane hidrocentralet e veriut ku skamja eshte me e madhe se kudo, juve nga tirana e pikerisht ti nga skrapari ben kete baterdi ne vjedhjen e ekonomise, se tyre ku i vidhni ata me miljona, dhe atyre nuk i jepni as nje te drjete mbi token dhe pasurite e tyre qe ai liqen jua ka zene,edhe ne qofte se ti Ilir meta apo Edi Rama nuk keni pjese ne kete vjedhje juve keni detyre ta zgjillni kete vjedhje ,sepse keni shtetin ne dore nga kush pritni te zgjidhet kjo vjedhje, nga amarikanet , Ne cdo vend tjeter te botes te ndodhe kjo e pakta do te ishte doreheqja e pastaj pergjegjesia sipas fajit te gjithe secilit.