Meta me arbëreshët e Kalabrisë: Jeni ura e lidhjeve të forta Shqipëri-Itali

Kreu i Kuvendit Ilir Meta, ka vizituar sot 5 komuna arbëreshe të Unionit të Arbërisë në Kalabri në Itali. Ai ka qenë në fillim në komunën e Santa Sofia D’Epiro, ku ka çmuar vlerat e larta të këtij komuniteti, i cili nuk i ka harruar asnjëherë lidhjet dhe traditën me Shqipërinë.

“Kjo vizitë në tokat arbëreshe është shumë emocionuese, – tha Meta. – Pa arbëreshët, sot nuk do kishte Shqipëri, ju jemi mirënjohës. Arbëreshët janë ura e lidhjeve të forta Shqipëri-Itali. Shqiptarët e çmojnë me krenari kulturën arbëreshe të ruajtur prej shekujsh.