Në Milano gjithçka është gati për ndeshjen brenda ose jashtë kundër Newcastle në Champions League. Dhe Stefano Pioli I ka idetë e qarta. “Për ne është një finale – shpjegoi trajneri i kuqezinjve për Milan TV – Është udhëkryqi i parë i vërtetë i sezonit, sepse qëndrimi në Evropë është objektivi ynë. Ne kemi mundësinë të fitojmë pa parë të tjerët. Motivimi, përqendrimi dhe vëmendja e ekipit do të jenë në maksimum. Liga e Kampionëve nxjerr në pah të gjitha karakteristikat e grupit dhe dëshirën për të bërë mirë në një fazë të tillë”.
Më pas disa konsiderata për kundërshtarin dhe temën taktike të ndeshjes. “Newcastle është një nga kundërshtarët që ndryshon më shumë përsa i përket qëndrimit, intensitetit, energjisë dhe cilësisë së paraqitjeve midis ndeshjeve në shtëpi dhe jashtë – shpjegoi Pioli -. Në shtëpi ata kanë humbur vetëm një herë kundër Borussia në Champions League dhe një herë vetëm në Premier League me Liverpool-in”.
“Presim një ambient të nxehtë, një kundërshtar intensiv, energjik dhe fizik – vazhdoi ai -. Duhet të jemi të përgatitur për ta përballur këtë kundërshtar me qëndrimin e duhur. Ndeshjet si kjo kërkojnë një paraqitje të nivelit të lartë”.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.