Ministri Araghchi: Teherani nisi sulme vetëmbrojtëse, aktet armiqësor do të përballet me përgjigje vendimtare

Ministri i Jashtëm iranian, Abbas Araghchi,deklaroi të mërkurën se forcat e armatosura të Iranit kryen sulme vetëmbrojtëse në vendet që Shtetet e Bashkuara lejohen t’i përdorin për të sulmuar anijet civile dhe për të shkelur armëpushimin.

Në një postim në X, Araghchi shkroi se çdo akt armiqësor do të përballet me një përgjigje të menjëhershme dhe vendimtare.

“Ajo që sanksionet dhe lufta nuk arritën ta arrinin, nuk do të fitohet me më shumë luftë”, shkroi ai ndër të tjera.

Araghchi e postoi deklaratën së bashku me një video të shkurtër të Sekretarit të Shtetit të SHBA-së, Marco Rubio, i cili tha: “Mendoj se aleatët tanë në rajon kanë qenë shumë bashkëpunues, disa padyshim bashkëpunues shumë agresivë, si Emiratet e Bashkuara Arabe, si shembull. Kuvajti ka qenë fantastik.”

Sipas Araghchi-t, të mërkurën në mëngjes, Irani shënjestroi bazat amerikane në Kuvajt dhe Bahrein, si dhe një anije pranë Ngushticës së Hormuzit.

Araghchi tha se Irani nisi sulmet me raketa dhe dronë pasi ushtria amerikane përdori një raketë Hellfire për të çaktivizuar një cisternë nafte me flamur të Botsvanës që po shkonte drejt ishullit Kharg, qendra kryesore e Iranit për eksportet e naftës.