Ministri Panariti në Lushnje për fushatën kundër karkalecit

Ministri i Bujqësisë, Edmond Panariti, ka qenë i pranishëm sot në spërkatjen me pesticide kundër karkalecit në fushat e Tërbufit, në Lushnje. Metoda e luftimit po kryhet me spërkatje nëpërmjet mekanikës bujqësore.

Sipas ministrit Panariti, kjo metodë është e provuar edhe më parë për zhdukjen e insekteve dëmtuese në bujqësi dhe nuk jep efekte të dëmshme në mjedise të tjera bujqësore.“Sot fillojmë në mënyrë të organizuar luftën kundër karkalecit. Këtë vit ai ka qenë me shumicë edhe në saj të kushteve të favorshme të klimës. Por ne po zhvillojmë fushatën për çrrënjosjen e këtij insekti të dëmshëm dhe substanca përkatëse nuk do të krijojë asnjë ndotje në mjedis”, deklaroi Panariti.

Luftimi i karkalecit në sipërfaqet e mbjella me foragjerë është hera e parë që kryhet në fushat e Tërbufit pas 25 vjetësh. Këtë vit luftimi i kolonive të karkalecave nisi me vonesë pasi 2.000 ha tokë ishin infektua.