Miranda Kerr: Jam beqare dhe e lumtur

Që kur është ndarë nga Orlando Bloom, modelja Miranda Kerr është thënë që ka nisur marrëdhënie me këdo, që nga Tom Cruise e deri te Justin Bieber. Por, bukuroshja australiane thotë se është beqare dhe se është e lumtur e tillë.

Kerr shpjegon se e ka pasur të vështirë të frekuentojë meshkuj të tjerë edhe prej djalit të saj 3-vjeçar Flynn.

“Është e vështirë kur je prind pasi nuk do që të prezantosh me djalin dikë që… thjesht nuk do që të ndikosh fëmijën në asnjë lloj mënyre. Nuk duhet ta bësh konfuz”, tha modelja për versionin australian të revistës ‘InStyle’.

Miranda Kerr dhe Orlando Bloom u ndanë vitin e kaluar pas 3 vitesh martesë.