Miranda “parakalon” në rrugët e Nju Jorkut

Prej vitesh është në listën e modeleve më të kërkuara dhe më të paguara nga agjencitë e modës dhe jo më kot.

Miranda Kerr tregoi që është mahnitëse jo vetëm nëpër sfilatat e modës, por edhe në rrugë. 31-vjeçarja u fotografua në rrugët e Nju Jorkut veshur me një kanatjere të shkurtër që i mbulonte pjesën e gjoksit dhe i lejonte të nxirrte në pah pjesët e tjera të bustit, kombinuar me një pantallona të errta, ndërsa në dorë mbante një çantë të zezë.

Në intervistën e fundit dhënë për revistën “Body & Soul” modelja australiane rrëfeu sekretet e formës së saj. Ajo tha se joga, çajrat e shumtë dhe frutat jeshile dhe proteinat e ndihmojnë që të ruajë një trup perfekt.

Në fillim të këtij viti, pas ndarjes “miqësore” nga Orlando Bloom me të cilin ka djalin 3-vjeçar Flynn, Kerr u përfol për një lidhje me miliarderin australian James Packer. Ky i fundit u fotografua gjithashtu në dalje të një hoteli në Nju Jork, por i shoqëruar nga një brune misterioze.