MM: Kontrata për Vëzhgimin e Hapësirës Detare, në përputhje me të gjithë ligjet e vendit
Ministria e Mbrojtjes, me anë të një deklarate për shtyp ka theksuar sot se, kontrata për Vëzhgimin e Hapësirës Detare është në përputhje me të gjithë ligjet e vendit dhe në përputhje të plotë me detyrimet që na rrjedhin nga NATO.
“Në mars të vitit 2008, Njësia e zbatimit të Projektit për Sistemin e Integruar të Vëzhgimit të Hapsirës Detare, përfundoi instalimin e të gjitha paisjeve elektro-mekanike. Kompania zbatuese e projektit “Lockheed Martin”, ka mirëmbajtur sistemin pas periudhës 1-vjeçare të garancisë deri më 12.12.2010.
Duke nisur nga 01.01.2011-31.07.2011 nuk është siguruar mirëmbajtja e sistemit me të tretë, megjithëse sistemi ka kushtuar 45 milionë dollarë. Për përiudhën 01.08.2011-31.12.2011 sistemi është mirëmbajtur nga firma kontraktuese shqiptare, “IDEA TEL” sh.p.k, Tiranë me një kosto financiare 48 750 000 (pa tvsh). Prej datës 1 janar 2012 deri në shtator të vitit 2015 nuk është siguruar mirëmbajtja e sistemit më të kontraktuar. Kjo është situata në të cilën u la vëzhgimi i hapsirës detare nga qeverisja e mëparshme”, shprehet Ministria e Mbrojtjes.
“Ministria e Mbrojtjes në dhjetor të vitit 2013 mbylli kontratën për vënie në gatishmëri të sistemit (pasi kishte thuajse dy vjet që nuk punonte) dhe mirëmbajtjen në vlerën totale 62 436 292 milionë lekë me kohëzgjatje 12 muaj, ndryshe nga kontrata e qeverisë mëparshme që vetëm për mirëmbajtje dhe vetëm për 5 muaj kishte paguar 48 750 000 milionë lekë”, thuhet në deklaratë.
Sipas MM, “kompania, e cila është përzgjedhur me tender për të kryer vëzhgimin dhe mirëmbajtjen e hapsirës detare ka zbatuar kontratat e lidhura me Ministrinë e Mbrojtjes që në vitin 2004 dhe është përfaqesuesi zyrtar i kompanisë GEM, prodhues i radarëve që Shqipëria disponon”.
