Mos lejoni t’ju mashtrojnë, ja sa thjesht mund ta dalloni mjaltin natyral
Mjalti është produkti më natyral dhe i shëndetshëm i bërë nga bletët. Për fat të keq, jo çdo lloj mjalti është i pastër dhe natyral.
Në të vërtetë ka disa lloje mjalti që përmbajnë edhe lëndë kimike. Sipas një studimi kërkimor deri në 76% e të gjithë mjaltit që është në treg i nënshtrohet një procesi të quajtur ultra-filtrim që përveç eliminim të papastërtive si gjurmë dylli, procesi i filtrimit heq polenin.
Sipas prodhuesit, procesi i filtrimit është i nevojshëm për të parandaluar kristalizimin dhe zgjat jetën e produktit. Megjithatë, konsumatorët nuk e dinë që në fakt, poleni është shumë i rëndësishëm dhe i siguron trupit shumë përfitime.
Hulumtuesit zbulojnë se procesi i filtrimit e bën të vështirë përcaktimin e origjinës gjeografike të mjaltit. Për këtë arsye, ata këshillojnë që të shmangen ky lloj mjalti. Për shembull, mjalti kinez shpesh është i kontaminuar me antibiotikë të paligjshëm dhe madje edhe disa metale.
Ja disa metoda si të dalloni mjaltin natyral
- Mjalti i pastër kristalizohet me kalimin e kohës. Nëse ai që blini nuk kristalizohet kur mbahet në frigorifer, ndoshta nuk është mjaltë i pastër.
- Përzieni disa pika jod me një gotë ujë pastaj shtoni pak mjaltë në të. Nëse ngjyra e mjaltit bëhet blu, atëherë ai është kombinuar me niseshte misri.
- Përzieni disa pika uthull me një gotë ujë pastaj shtoni pak mjaltë në të. Nëse shihni shkumë, do të thotë se mjalti është i falsifikuar.
- Digjni mjaltin me një shkrepëse dhe shihni nëse ndizet. Mjalti i pastër do të ndizet.
- Shtoni një lugë mjaltë në një gotë me ujë. Nëse mjalti shkrin në ujë, do të thotë se është mjaltë i rremë ose me cilësi të ulët. Mjalti i pastër nuk tretet në ujë por bie në fund të saj i koaguluar.
- Vendosni pak mjaltë në një vend ku shihni milingona. Milingonat nuk do t’i afrohen mjaltit natyral.
- Mjalti i pastër dhe natyral ju jep ndjesinë e pickimeve në gojë para se ta kapërdini. Mjalti fals nuk ua jep këtë ndjesi.
