Në bombat e opozitës, kryeministri Gruevski dëshmon një dozë të madhe të pasionit për barokun dhe projektin Shkupi 2014 të cilin po e realizon me përpikshmëri. Ndërkaq, nga ana tjetër nuk ka as edhe një shenjë nga tre përmendoret e figurave historike shqiptare, Josif Bageri, Nexhat Agolli dhe Pjet Bogdani. Arkitekti Vullnet Palloshi, thotë se vetë vendimi që në mesin e gjithë atyre përmendoreve të ngriten vetëm tre figura shqiptare është ofendues për shqiptarët, por as ata thotë se ende nuk mund të ngriten.
“Më se pari është ofenduese që shqiptarët e Shkupit që janë komunitet I dytë në Ballkan, që të identifikohen me tre figura të historisë shqiptare ndërsa në anën tjetër kemi 33 maqedonas. Vetë marëveshja në atë mënyrë neve shqiptarëve na be në një situatë nënçmuse dhe sigurisht që ne nuk pajtohemi. Ata që janë pajtuar as ato 3 nuk mund ti vendosin, ndërsa në ato 33 të paktën 13 duheshte të kishte shqiptarë dhe jo në atë mënyrë që ta ndajmë Shkupin në anën tanë I vemë ne në anën tuaj veni ju, sepse Shkupi është një tërësi”, tha Vullnet Palloshi, arkitekt.
Nga Bashkimi Demokratik për Integrim, askush nuk mund të jep një përgjigje as të përafërt për atë se kur do të vendosen tre përmendoret shqiptare. Nga kjo parti, jozyrtarisht përgjegjësinë e hedhin tek Komuna Qendër. Por, arkitekti Vullnet Palloshi, thotë se situata politike e ka bërë tënimë të pamundur hapjen e kësaj teme. Sipas tij, vendosja e tre përmendoreve shqiptare mund të pritet vetëm pas rrëzimit të Qeverisë së Nikolla Gruevskit.
“Po nuk mund ti vendosin për arsye se sipas meje janë tash shumë moment delicate. Vetë shteti është në një situatë shumë delicate dhe BDI fuqinë nuk e ka që të mundet ti kryejë ato që ka premtuar, sepse ka hasur në një partner që edhe kërkesat me vend të BDI-së nuk i realizon edhe në qoftëse I pranon. Besoj se me ndërimet që do të ndodhin tani në qeveritë kaluese, këta marëdhënie dhe këta raporte, pjestarët shqiptarë aty do t’i ndrojnë dhe nuk do të jemi në këtë mënyrë ofenduese të pranuar nga partneri, cilido që do të jetë”, u shpreh Vullnet Palloshi, arkitekt.
Pas reagimeve të shumta gjatë ndërtimit të projektit Shkupi 2014, dy partnerët qeveritarë VMRO-DPMNE dhe BDI u morën vesht që në qendër të Shkupit të ngrihen edhe tre përmendore shqiptare. Por ato u lanë në harresë edhe pse shumë përmendore të tjera të figurave maqedonase madje dhe ato serbe u vendosën edhe pse ishin planifikuar pas përmendoreve shqiptare.
