“Mourinho do ta ketë shumë të vështirë të fitojë titullin kampion, mund të fitojë një kupë ose një Superkupë”

[10:28, 19/05/2026] Rodi: “Mourinho do ta ketë shumë të vështirë të fitojë titullin kampion, mund të fitojë një kupë ose një Superkupë” [10:28, 19/05/2026] Rodi: Jose Mourinho pritet të zyrtarizohet shumë shpejt si trajneri i ri i Real Madridit. Rikthimi i portugezit nuk është se ngjall ndonjë entuziazëm të madh, pasi ka plot prej tyre që mendojnë se Mourinho do ta ketë shumë të vështirë të jetë i suksesshëm dhe të fitojë trofe.

Julio Maldonado, i njohur gjerësisht me nofkën “Maldini”, komentator dhe gazetar i njohur, tashmë në rolin e ekspertit të futbollit në Spanjë, është i bindur që Mourinho do ta ketë shumë të vështirë të fitojë titullin kampion në La Liga, ndaj mund të fitojë Kupën e Mbretit ose Superkupën.

“Do të jetë shumë e vështirë për ta që të fitojnë La Ligën kundër Barcelonës; mund të fitojnë një Kupë të Mbretit ose një Superkupë.

Herën e parë, ai erdhi pasi fitoi Champions League me Porton dhe Interin, si trajneri më i rëndësishëm i momentit. Tani ai vjen si një trajner që nuk është se fitoi trofe as te Fenerbahçe dhe Benfica, dhe nuk ka qenë në gjendje të fitojë ligën. Mourinho nuk është më në mesin e elitës së trajnerëve.

Për Real Madridin, të luash mirë nuk është e mjaftueshme; ata duhet të fitojnë, dhe Barcelona ka një ekip të ri dhe të vendosur që do të jetë këtu për shumë vite që do të vijnë,” tha “Maldini”, sipas asaj që raporton “Defensa Central”.