“Ndëshkimi”, pranga ish-regjistruarit të pronave në Lushnje

Një ish-regjistrues në hipotekën e Lushnjes u arrestua nga policia me akuzën e korrupsionit pasiv.

Elvis Bajaziti u ndalua nga sektori për Krimin Ekonomik në Policinë e Fierit në kuadër të operacionit të koduar “Ndëshkimi”.

Ndaj këtij shtetasi, Kolegji Penal i Gjykatës së Lartë ka vendosur masën e sigurisë “arrest me burg”.

Bajaziti akuzohet për korrupsion pasiv gjatë periudhës që mbante detyrën e regjistruarit të pasurive të paluajtshme në ZRVPP-në e Lushnjes.