Ndryshimet kushtetuese- Vendoset përfshirja në kalendar, opozita kundër

Konferenca e Kryetarëve, e mbledhur të enjten para nisjes së seancës plenare, pa konsensusin e opozitës, vendosi të përfshijë në programin e punës dhe në kalendarin trejavor të Kuvendit draftin e ndryshimeve kushtetuese dhe të paketës ligjore që shoqëron atë.
Kryetari i Kuvendit, Ilir Meta, në nisje të seancës së sotme njoftoi deputetët për këtë vendim të Konferencës, i miratuar në mënyrë të njëanshme.
“Konferenca ra dakort të përfshihen pr/ligjet e depozituara, por nuk pati konsensus për përfshirjen e 7 pr/ligjeve, që shoqërojnë projektamendamentet kushtetuese. Kur Konferenca e Kryetarëve nuk ka mirëkuptim, draftkalendari i nënshtrohet procedurës së votimit në fund të seancës”, u shpreh kryeparlamentari.