Ndryshojnë planet për Ferran Torres, Barcelona detyrohet të veprojë direkt

Ferran Torres jo vetëm që nuk do të largohet nga Barcelona, por do të rinovojë me katalanasit. Sulmuesi i cili kontriboi me 21 gola sezonin e fundit ka fituar besimin e drejtueve të klubit dhe trajnerit Hansi Flick, pavarësisht se është përfolur shumë për një largim të mundshëm të tij.

Sipas Mundo Deportivo, drejtuesit e Barcelonës kishin planifikuar të fillonin negociatat për një zgjatje të kontratës në shtator, por bisedimet do të nisin shumë më shpejt, duke nisur nga java e ardhshme, për dy arsye.

Së pari, për t’i treguar sulmuesit se e vlerësojnë perfomancën dhe rëndësinë e tij në ekip, së dyti për shkak të vështirësive që po hasin për transferimin e mundshëm të Julian Alvarez. Barcelona nuk dëshiron të fillojë La Ligën duke e ditur se kontrata e sulmuesit të tyre titullar skadon në fund të sezonit, ndaj rinovimi do të vijë shumë më shpejt.