Ndryshon shifra, rritet pjesëmarrja në votimet e 30 qershorit

Komisioni Qendor i Zgjedhjeve ka bërë publike të dhënat për pjesëmarrjen e zgjedhësve në votimet e 30 qershorit. Sipas të dhënave paraprake të KQZ-së, në votime morën pjesë 812, 249 qytetarë ose 22.97%, shifër e cila është më e lartë se 21.6% që u raportua në mbrëmjen e 30 qershorit.

45,276 është numri i votave të pavlefshme për kandidatët për kryetar bashkie në rang vendi, ndërkohë që në këto të dhëna nuk janë përfshirë fletët e votimit të dëmtuara apo ato të hedhura në kutinë e gabuar.