Në 2016 nis liberalizimi i tregut të energjisë me konsumatorët e lidhur në tensionin 35 kV
Duke filluar nga viti 2016 do të nisë liberalizimi i tregut të energjisë me konsumatorët e lidhur në tensionin 35 kV.
Burime në MEI bëjnë të ditur se liberalizimi i tregut do të vijojë me konsumatorët e lidhur në linjat 20 kV dhe më tej, edhe për konsumatorët e lidhur në 10 dhe 6 kV.
Këto hapa pritet të bëjnë të mundur që Shqipëria të fillojë të ketë një treg relativisht të liberalizuar, pasi deri në 2018 synohet liberalizimi i plotë i tij, duke krijuar mundësi më të mira edhe përfitime nga konsumatorët.
Një treg i liberalizuar rrit kërkesat nga industritë dhe nxit prodhimin privat të energjisë, ndaj dhe pak ditë më parë ministri i MEI-t, Damian Gjiknuri ka deklaruar se “po investojmë në interkonjeksion dhe deri në vitin 2020, Shqipëria do të jetë e lidhur me të gjitha vendet fqinje ku opsionet për tregti të energjisë elektrike do të jenë të hapura”.
