Në Bazën Ajrore Farkë fillon stërvitja ajrore për vitin 2018
Bazën Ajrore Farkë, filloi stërvitja ajrore e efektivit fluturues për vitin 2018.
Stërvitja u ndoq nga komandanti i Forcës Ajrore, gjeneral brigade Vladimir Avdiaj , i cili u uroi suksese në realizimin e detyrave për përmbushjen e misionit.
Si vijimësi e trajnimit të ekuipazheve fluturues, në përmbushje të objektivit të kapacitetit të Forcës Ajrore, si dhe për përballimin e Emergjencave Civile, stërvitja e ekuipazheve fluturuese përkoi me fluturime në kushte ekstreme të motit.
Ekuipazhet fluturuese gjatë këtij trajnimi përmbushën disa detyra si: fluturim në mal në terren të mbuluar me dëborë, si dhe orientim me terrenin në kushte të vështira meteorologjike. Këto misione u kryen nga ekuipazhet e grupit “Cougar”, dhe “EC 145”.
Trajnimi i ekuipazheve fluturues do të vazhdojë njëkohësisht dhe me një përgatitje të thelluar teorike me ekuipazhet e tjera, ku prioritet i Forcës Ajrore edhe për këtë vit, do të jetë rritja e shkallës së gatishmërisë operacionale për realizimin e misionit.
