Në pranga ‘Messi i Shqipërisë’, bosi i kokainës në Europë qarkullonte miliona euro

Policia italianë në bashkëpunim me atë belge dhe holandeze kanë mundur të vënë në pranga shtetasin shqiptar, Bledar Pajana, që njihet si një nga trafikantët më të mëdhenj të kokainës në Europë.

Mediat italiane bëjnë me dije se shqiptari Pajana i cili prej vitesh drejtonte një grup shpërndarje lëndësh narkotike dhe arrinte të fuste në muaj deri në 200 kilogram kokainë nga Amerika Jugore u arrestua pas 2 muajsh hetime intensive dhe përgjime.

Droga kalohej përmes Lisbonës e Madridit për të përfunduar në Italinë e Veriut, në zonën e Breshias, ku shqiptari kishte bazën e tij. Nga këtu shpërndahej më pas edhe në vendet e tjera të Europës Veriore.

Pajana, i quajtur edhe si “Messi i Shqipërisë”, për shkak të ngjashmërisë fizike me futbollistin argjentinas Lionel Messi, qarkullonte miliona euro në muaj.

Pajana u arrestua në aeroportin e Eindhovenit në Holandë, ku ishte larguar që prej muajit tetor