Nënshkruhet marrëveshja: AAK dhe NISMA në koalicion pa Vetëvendosjen

Është nënshkruar marrëveshja ndërmjet Aleanca për Ardhmërinë e Kosovës dhe NISMA për Kosovën për thellimin e bashkëpunimit opozitar.

Marrëveshja është nënshkruar nga kreu i AAK-së, Ramush Haradinaj dhe ai i NISMA’s Fatmir Limaj. Ata kanë ftuar të gjithë ata që dëshirojnë t’i bashkohen këtij boshti opozitar, që e kanë quajtur edhe koalicion fitues që do të japë ndryshimin në Kosovë

“Rreth këtij boshti janë të hapura dyert për të gjitha partitë politike. Kjo është marrëveshje për thellimin e bashkëpunimit opozitar. Ky koalicion parazgjedhor jep shpresë për ndryshim të qeverisjes”, ka thënë Limaj.

Ndërsa Haradinaj ka thënë: “Ky bashkëpunim i avancuar me NISMA-n është bërë pasi e ndjejmë peshën e përgjegjësisë për ndryshime. Kjo marrëveshje është si ftesë për forcat politike”.