Nëntë të vdekur pas përplasjes mes bandave të motoçiklistëve në Teksas
Një hapje zjarri në Uako, Teksas, mes bandave rivale të motoçiklistëve shkaktoi nëntë të vdekur dhe 18 të plagosur, në ndërkohë që policia i frikësohet një numri në rritje të viktimave për shkak të hakmarrjes.
Ishte një e diel e qetë në qytetin e Uakos, mes Dallasit dhe Ostin, që u prish nga zënkat në një restorant dhe që më pas u kthye në tragjedi.
Në restorantin ”Twin Peaks” gjendeshin dhjetëra motoçiklistë, një takim si shumë të tjerë të zakonshëm në Amerikë. Por, ndoshta një fjalë e tepërt provokoi zënkën në ambientet e brendshme të lokalit. Dhe më pas, në Central Texas Commercial Center, një nga supermarketet më të mëdhenj të zonës filloi hapja e zjarrit, pas sherreve me thika, zinxhirë dhe trup me trup.
Vetëm ndërhyrja e policisë solli vendosjen e qetësisë.
Edhe një herë, Amerika pyet veten sesi ka mundësi që në disa shtete, sidomos në Teksas, shumë njerëz sigurojnë me lehtësi armë dhei mbajnë me vete, njësoj sikur të ishte koha e Far Westit.
