Newcastle, Howe: Do të jetë një mbrëmje speciale në St James’ Park

Një natë për të ëndërruar arritjen në 1/8 e Champions League, pavarësisht nga rezultati në Dortmund. Newcastle i Howe përballet me Milanin në St James’ Park me synimin për të kaluar në raundin tjetër në dëm të skuadrës së Piolit. “Ne kemi shumë besim para kësaj ndeshje – komentoi trajneri i Magpies – do të jetë një mbrëmje shumë e veçantë. Mund të përpiqemi vetëm ta fitojmë ndeshjen me paraqitjen më të mirë të mundshme”.

Newcastle ka një paraqitje shumë pozitive në shtëpi, ndryshe nga ajo jashtë: “Këtë vit ka qenë e vështirë për ne të luajmë jashtë shtëpisë. Kur luajmë në shtëpi dhe kur ndeshjet janë të rëndësishme, tifozët tanë janë gjithmonë një faktor pozitiv për ne dhe jam i sigurt se do të na japin një dorë. Dy ndeshjet e fundit jashtë fushe shkuan keq për arsye të ndryshme, por jo për personalitetin apo karakterin e lojtarëve të mi”.

Magpies, ashtu si Milani, kanë edhe shumë lojtarë të dëmtuar: “Kemi luajtur dy ditë më parë dhe kemi pak kohë për t’u rikuperuar. Ne po përpiqemi t’i menaxhojmë lojtarët, por nuk mund të them asgjë për rikthimin e tyre”.

Kundër Milanit, megjithatë, objektivi është një hap larg: “Të jesh këtu për të luajtur këto ndeshje është e veçantë. Para ndeshjes kundër PSG-së situata ishte ndryshe, tani jemi këtu për të luajtur për kualifikim, por objektivi është sigurisht që të përmirësohemi. Ne dëshirojmë dëshpërimisht të qëndrojmë në Ligën e Kampionëve, vitin e kaluar dhamë gjithçka për t’u kualifikuar dhe nuk duam të heqim dorë nga gjithçka kaq shpejt”.