Nga çështja e Alvinit, te taksat vendore… Debatet që priten sot në Kuvend

Sot në orën 10:00 do të zhvillohet seanca plenare në Kuvendin e Shqipërisë, ndërsa në rendin e ditës janë disa cështje të rëndësishme, nga interpelanca e kryeministrit Rama në cilësinë e ministrit të Jashtëm lidhur me çështjen e Alvinit, 11-vjeçarit të mbyllur në kamp në Siri, pas kërkesës së tetë deputetëve të opozitës, por edhe akti normativ për buxhetin e taksat vendore dhe projektligjin për Rininë.

Megjithatë debati pritet të zhvendoset si gjithmonë te aktualiteti politik dhe akuzat e ndërsjella.

Rendi i ditës

Interpelancë me Ministrin për Europën dhe Punët e Jashtme, kërkuar nga 8 deputetë të opozitës
Akt normativ “Për buxhetin e vitit 2019″
Akt normativ “Për sistemin e taksave vendore”
Projektligji “Për rininë”
Projektligji “Për aderimin në Konventën Ndërkombëtare për Luftën Kundër Falsifikimit të Monedhës”