Nga VW te Kina: Rreziqet që mund të shkatërrojnë rritjen gjermane

Motori ekonomik i Evropës po përballet me një provë të forcës.

Fuqia industriale e Gjermanisë është vënë në pikëpyetje nga skandaliv i emetimeve të Volkswagen AG, ngadalësimi në Kinë dhe tregjet e tjera në zhvillim po kërcënojne eksportet, si dhe fluksi i emigrantëve po dëmton financat e vendit.

Këtë javë, një sasi e vogël e të dhënave ekonomike do të sugjerojnë nëse ekonomia më e madhe në zonën e euros do mund të mbijetojë përmes problematikave të shumta që janë akumuluar gjatë javëve të fundit apo është në rrezik kolapsi.

Me rritjen e rajonit të euros në varësi të shëndetit ekonomik të Gjermanisë, Presidenti i Bankës Qendrore Evropiane Mario Draghi po analizon nga afër sfidat me të cilat po përballet blloku.

Rënia e përsëritur në çmimet e energjisë ka neutralizuar efektet e programit të tij të lehtësimit sasior, duke e shtyre normën e inflacionit përsëri nën zero dhe duke shkaktuar debat në lidhje me nevojën për më shumë stimuj që ka të ngjarë të intensifikohet nëse lëkundet rimëkëmbja e Gjermanisë.

Të dhënat e së martës dhe së mërkurës do të ndihmojnë më pas të vlerësojnë gjendjen e industrisë së rëndësishme të prodhimit të Gjermanisë.

Ndërsa ekonomistët perceptojnë rritje në të dy ekonomitë, ata nuk do të pasqyrojnë ndikimin e rënies së popullaritetit të VW pas zbulimit të 18 shtatorit rreth manipulimit të testeve të emetimeve të gazrave, të prodhuesit në Amerikë.