Një miliardere si Taylor Swift, vlera e saj e pasurisë për vitin 2023 kalon pritshmëritë….

Raporti e përshkruan “Eras Tour” si një sukses të jashtëzakonshëm. Analiza e Bloomberg vlerëson se vetëm 53 koncertet në SHBA i shtuan produktit të brendshëm bruto të vendit një shumë marramendëse prej 4.3 miliardë dollarësh. Analiza bazohet në shifra të konfirmuara ose të shpalosura publikisht.

Llogaritja merr parasysh burime të ndryshme të të ardhurave për Swift, duke përfshirë vlerën e pesë shtëpive të saj (110 milionë dollarë), katalogun e saj muzikor (400 milionë dollarë për muzikën që nga viti 2019), fitimet nga marrëveshjet e transmetimit (120 milionë dollarë nga YouTube dhe Spotify) , shitjet (80 milionë dollarë) dhe biletat dhe mallrat e koncerteve (370 milionë dollarë). Përveç kësaj, u morën parasysh faktorë të tillë si tatimi mbi të ardhurat, prodhimi i turneut dhe kostot e udhëtimit, dhe komisionet e paguara për menaxherët dhe agjentët.

Duke parë le të themi të ardhmen në vitin 2024 dhe më tej, pasuria e Swift ka të ngjarë të vazhdojë të rritet, veçanërisht nëse ajo vazhdon të publikojë projektetmuzikore dhe të nisë turne të suksesshëm. Raporti i Bloomberg thekson burimet e ndryshme të të ardhurave për Swift ndikojnë shumë në pasurinë e saj neto.

Pavarësisht suksesit të saj, Swift ka arritur të ruajë një imazh autenticiteti dhe lidhjeje, gjë që e ka bërë atë të dashur për fansat në mbarë botën. Bloomberg vëren se ekipi i saj i vogël, i cili përfshin edhe babanë e saj, Scott Swift, ka luajtur një rol të rëndësishëm në suksesin e saj. Scott Swift ka luajtur një rol mjaft të rëndësishëm në menaxhimin e financave dhe investimeve të vajzës së tij./TAR