Noka: Hashashi është shtrirë kudo, në vend fara vietnameze

Partia Demokratike deklaron se sipërfaqet e mbjella me hashash në vendin tonë, jo vetëm që nuk janë reduktuar, ashtu siç pretendon qeveria, por janë rritur me pesë herë.

Flamur Noka, në cilësinë e zv.kryetarit të Komisionti të Sigurisë në Parlament, i ka dërguar një letër kryeministrit Edi Rama ku ngre shqetësimin për të dhënat, që sipas tij, tregojnë pesëfishimin e sipërfaqes së mbjellë me hashash dhe shtrirjen e këtij fenomeni në gjithë territorin.

Sipas Nokës, grupet kriminale që kultivojnë këtë drogë po përdorin një farë të veçantë vietnameze e cila kap fazën e korrjes brenda 45 ditëve.

Noka kërkon shtrirjen e monitorimit në të gjithë territorin e vendit, pa kufizim apo paracaktim të itinerarit dhe publikimin e plotë të të dhenave të përftuara nga ky monitorim.