Nuk e kishte të lehtë: Putini nga nervat thyen stilolapsin (Video)

Pas 16 orë negociatash të vështira dhe rraskapitëse nga të cilat u arrit edhe marrëveshja në Minsk, ku pjesëmarrës ishin Vladimir Putin, Petro Poroshenko, Francois Hollande dhe Angela Merkel – një armëpushim në Ukrainë duhet të mbretërojë që nga 15 shkurti.

Megjithatë, jo çdo gjë shkoi mirë. Për mënyrën se si negociatat ishin të tensionuara flet fotoja apo pamjet të cilat tregojnë se sa i dukshëm i mërzitur është Putin – të gjitha i vuan stilolapsi në dorën e tij, transmeton Telegrafi.

Presioni është rritur kur presidenti ukrainas Poroshenko ishte larguar nga dhoma ku u zhvillua takimi, pas “një diskutimi shumë të gjallë me Putinin”, siç bëjnë të ditur mediat ruse.

Pas kësaj, Putin ka vazhduar bisedimet e Angela Merkel dhe Francua Hollande, kur në një moment të caktuar ai edhe theu lapsin të cilin e mbante në dorë.

Edhe pse analistët perëndimorë vlerësojnë se nga këto biseda, Rusia ka fituar ato që ka dëshiruar, Putin ka deklaruar se përfundimi i konfliktit do të filloj më 15 shkurt.

“Kjo nuk është mbrëmja më e mirë në jetën time, por me gjithë vështirësitë në procesin e bisedimeve, kemi arritur që të pajtohemi në çështjet kryesore”, ka thënë ndër tjerash Putin.