“Nuk luan as për Francën e as për Argjentinën, ndaj Haaland është sulmuesi më i mirë në botë”

Trajneri i Norvegjisë, Stale Solbakken, ka vlerësuar shumë paraqitjen e sulmuesit Erling Haaland, që realizoi dy gola në fitoren 3-2 ndaj Senegal. Sukses që kualifikon Norvegjinë në fazën tjetër të Kupës së Botës.

“Erling shënoi dy gola por humbi edhe dy të tjerë. Mund të kishte shënuar edhe katër gola. Dua të them, ai është sulmuesi më i mirë. Ai nuk po luan për Francën ose Argjentinën, ai shënon për Norvegjinë”, tha

“Është më e lehtë të fitosh Këpucën e Artë kur luan për Francën dhe Argjentinën, por ne do të përpiqemi t’i japim Erling më shumë ndeshje. Pra, dhe më shumë ndihmë edhe në ndeshjet e ardhshme”, shtoi trajneri i Norvegjisë.

“Ai është në zjarr dhe jam shumë i lumtur për të që ai mund të shënojë në skenën më të madhe”, tha Solbakken, që duke folur për ndeshjen e radhës ndaj Francës, tha: “Nuk kemi filluar ende të mendojmë për atë sfidë”.

“Tani do të kthehemi në kampin tonë dhe do të bëjmë një pushim të mirë sepse kemi nevojë për këtë pas një ndeshjeje shumë të vështirë. Do të ketë lojtarë të tjerë që do të luajnë atë ndeshje”, tha Solbakken.