Mbahet gara botërore e ngjitjes së robotëve të CMG-së në malin Tai!

Më 2 nëntor, në qytetin Tai’an të Provincës Shandong në Kinën lindore, u mbajt Gara Botërore e Ngjitjes së Robotëve të CMG-së, duke e transformuar malin e famshëm Tai të Kinës në një vend konkurrimi të teknologjisë së përparuar.

Kjo është gara e parë në botë për robotë inteligjentë të mishëruar, në një mjedis malor të botës reale. Qi Zhuquan, zv/President i Grupit Mediatik të Kinës, tha në fjalimin e tij se kjo garë shërben jo vetëm si një trajnim praktik dhe demonstrim i përqendruar i teknologjisë së inteligjencës artificiale që lëviz nga laboratori në skenarë kompleksë të botës reale, por gjithashtu shfaq edhe aftësitë e saj.

Pista e garës është afërsisht 3.9 kilometra e gjatë me mbi 3100 hapa. Ajo përmban dy kategori kryesore: gara shpejtësie dhe konkurse të specializuara. Robotët humanoide, qentë robotë katërkëmbësh dhe robotët ekzoskeletorë, garojnë në fusha të tilla si lëvizja autonome, përshtatja ndaj terrenit kompleks dhe ngjitja me ngarkesë. Këto ngjarje paraqesin një sfidë të rëndësishme për teknologjitë kryesore të robotëve, duke përfshirë kontrollin e lëvizjes, ekuilibrin dinamik dhe perceptimin mjedisor.

Një garë e veçantë demonstruese – Sfida e Lëvizshmërisë në të Gjithë Terrenet – është e hapur për lloje të ndryshme robotësh, duke përfshirë konfigurime me rrota, me zinxhirë, sferike dhe komplekse, duke testuar në mënyrë gjithëpërfshirëse aftësitë e lëvizshmërisë në të gjitha terrenet e produkteve të ndryshme.

Seria e aktiviteteve të Ekspozitës së Aftësive të Robotikës të CMG-së zhvillohet gjatë gjithë vitit dhe është mbajtur me sukses në Pekin, Hangzhou dhe Nanjing, duke promovuar vazhdimisht zbatimin e robotëve inteligjentë në më shumë fusha.