Nxirret kutia e zezë e helikopterit të rrëzuar në liqenin e Shkodrës

Ekspertë shqiptarë dhe amerikanë kanë nxjerrë kutinë  e zezë të helikopterit EC145, që u rrëzua pak ditë më parë në liqenin e Shkodrës, duke u marrë jetën 2 pilotëve të Forcave Ajrore.

Kutia e zezë, e cila është dërguar në Prokurorinë e Shkodrës, pritet të ndihmojë në zbardhjen e shkaqeve të rrëzimit të helikopterit.

Ndërkohë, në ndihmë të ekspertëve shqiptarë kanë ardhur edhe ekspertë të kompanisë Eurocopter, ku është blerë nëntorin e vitit të shkuar helikopteri i aksidentuar, të cilët pritet të japin asistencën e tyre në hetime.