Ocalan: Optimist mbi procesin e paqes mes PKK-së dhe Ankarasë
Shefi i rebelëve të Partisë së Punonjësve të Kurdistanit (PKK), Abdullah Ocalan, u shpreh sot se kishte besim në suksesin e procesit të paqes me qeverinë turke, këtë deklaratë ia bëri një delegacioni të partisë kyesore kurde në Turqi.
“Dua të them se kemi hyrë që prej 15 tetorit në një fazë të re të procesit që ka të bëjë me të ardhmen demokratike të Turqisë dhe se shpresat e mia që të shoh këtë proces të arrijë qëllimin janë forcuar”, deklaroi Abdullah Ocalan, i cituar në një komunikatë të Partisë Demokratike Popullore (HDP, parti prokurde).
Të filluara du vite më par, negociatat që kanë për qëllim t’i japin fund rebelimit kurd që ka bërë rreth 40 mijë të vdekur që prej vitit 1984 u vunë në vështirësi nga pozicionimi i qeverisë turke islamiko-konservatore në konfliktin sirian.
Po bëhen dy javë, mijëra të rinj Kurdë kanë dalë në rrugët e Turqisë për të kritikuar refuzimin e Ankarasë që të ndërhyjë ushtarakisht në ndihmë të luftëtarëve kurdë që mbrojnë qytetin sirian të Kobanes, të rrethuar nga xhihadistët e ISIS-it.
