Operacion ‘rrufe’ në veri të Kosovës/ Gjatë kontrolleve intensive, zbulohen armë dhe municione

Janë sekuestruar armë dhe pajisje të ndryshme ushtarake gjatë kontrollit në një shtëpi të pabanuar në Mitrovicë të Veriut.

Sipas policisë, janë gjetur dhe sekuestruar një armë AK-47 me një karikator të zbrazët, një pushkë ajrore me municion (diabolla), një armë artizanale dhe një fishek i kalibrit të madh.

Po ashtu sipas raportit të Policisë, janë sekuestruar edhe një helmetë ushtarake, një çantë ushtarake me pajisje për pastrim të armëve dhe një uniformë ushtarake të kamufluar.

Lidhur me rastin, autoritetet kanë bërë të ditur se hetimet janë duke vazhduar nga njësitet kompetente policore për të sqaruar rrethanat dhe origjinën e armëve dhe pajisjeve të gjetura.

“Crepule, Zubin Potok /16.05.2026 – 12:20. Gjatë kontroll të një shtëpie të pa banuar (e vjetër) janë gjetur dhe sekuestruar një armë AK-47 me një karikator të zbrazët, nje pushkë ajrore me municion (diabolla), një armë artizanale, një fishek i kalibrit të madh (NK-1974), një helmete ushtarake, një çantë ushtarake me pajisje për pastrim të armëve, një uniforme ushtarake e kamufluar”, thuhet në raporton 24 orësh të policisë. Sipas policisë, rasti është duke u hetuar nga njësitet kompetente policore.