Pakistan, droni amerikan bombardon bazat e terroristëve
Një avion amerikan pa pilot ka vrarë të paktën 6 persona dhe ka plagosur 4 të tjerë, të cilët dyshohen se janë militantë të grupeve terroriste, në veriperëndim të Pakistanit.
Zyrtarë palestinezë të sigurisë dhe banorët vendas thanë se droni ka bombarduar një kompleks të militantëve në Dattakhel, një fshat pranë kufirit.
“Droni ka lëshuar të paktën dy raketa që goditën një banesë, e cila përdorej nga militantët”, tha një banor vendas.
Për vite me radhë, sulmet ajrore amerikane kanë pasur në shënjestër anëtarë të Al Kaedës dhe militantë të tjerë islamikë në rajonin veriperëndimor, pranë kufirit me Afganistanin.
Gjatë këtij viti, sulmet amerikane nga ajri janë reduktuar, megjithëse kanë qenë prezente. Në vitin 2015 janë regjistruar 12 sulme, ndërsa në vitin 2014 janë regjistruar të paktën 25 sulme me avionë të telekomanduar.
