Pakti me Bashën, Majko: Veprim i gabuar, për qëllimin e duhur…

Deputeti i PS-së, Pandeli Majko,teksa thekson se marrëveshje perfekte në politikë nuk ka, çmon Ramën për paktin me Bashën, duke theksuar se kryeministri njihet për marrëveshjet e gabuara në kohën e duhur.

Në një postim në faqen e tij ne FB, Majko shkruan se “Kush diskuton se kush fitoi dhe kush humbi nga marrëveshja midis PS dhe PD kërkon që ta keqinterpretojë atë. Eshtë jashtë cdo diskutimi që marrëveshja të prodhojë një fragment bashkëqeverisjeje… për dicka mbi 35 ditë”.

“Marrëveshje perfekte në politikë nuk ka. E tillë është edhe marrëveshja midis Partisë Socialiste dhe Partisë Demokratike. Kush diskuton se kush fitoi dhe kush humbi nga marrëveshja midis PS dhe PD kërkon që ta keqinterpretojë atë. Është jashtë çdo diskutimi që marrëveshja të prodhojë një fragment bashkëqeverisjeje… për diçka mbi 35 ditë, – vijon Majko. – Partia Demokratike duhet të gjejë shpejt “teknikët” që mori në tavolinë. Ajo gjithashtu, duhet të numërojë ditët për fushatën elektorale deri në 25 qershor. Marrëveshja e ka udhëkryqin “të gjitha ose asgjë”.

Sipas Majkos, “Edi Rama njihet për veprimet e gabuara për qëllimin e duhur. “Pikturat” e tij në politikë kanë kuptim kur shikohen në fund dhe jo në fillim. Fillimi duket shkarravinë!…

“Marrëveshja Rama – Basha ishte një mirëkuptim midis kundërshtarësh për funksionimin e sistemit politik i cili po vetëmbytej nga pasioni politik, – nënvizon deputeti socialist. – Ajo largoi vendin nga dhuna dhe dëshpërimi që do të çonte shoqërinë në drejtim të paditur. Kjo marrëveshje nuk diskuton simpatitë por interesat. Ajo nuk sfidon bashkëpunimin e së majtës por papërgjegjshmërinë në politikë”.