Paloka: Nuk do të mund t’i mbyllni gojën opozitës
Kryetari i Grupit Parlamentar të Partisë Demokratike Edi Paloka i kërkoi drejtuesit të seancës plenare nënkryetarit të Kuvendit Vangjel Dule të mos vijonte punimet e Parlamentit.
Paloka duke marrë fjalën në rinisje të punimeve të seancës plare pas një ndërprerjeje prej 5 minutash për shkak të një incidenti ne mjediset e parlamentit mes dy deputetëve atij të PD-së Genti Strazimiri dhe atij të PS-së Pjerin Ndreu, kërkoi të mos vijonte punimet seanca Plenare.
“Ju që morët masë ndaj Sali Berishës për shkak se përsëriti fjalët e kryeministrit, u mblodhët urgjent e morët masë, kurse tani me paturpërsi pas gjithë atyre që ndodhen ku u kërcënua me jete një deputet kërkoni të rifillojë seanca”, tha Paloka.
Seanca parlamentare është ndërprerë për 5 minuta, ndërsa ish-kryeministri Berisha fliste në foltoren e Kuvendit. Një incident i ndodhur mes deputeti të Partisë Demokratike Genti Strazimiri dhe atij të Partisë Socialsite, Pjerin Ndreu në korridorin e Parlamentit detyroi nënkryetarin e Kuvendit, Vangjel Dule të ndërpresë seancën
Nëse i keni bërë llogaritë se do të mund të largoni këtë opozitë apo t’i mbyllni gojën, i keni bërë llogaritë shumë gabim. Ne nuk jemi nga ata që na mbyllet goja”, tha Paloka.
Pas kesaj fjale te kreut te grupit parlamentar te PD-se, Paloka, mbajtur ne foltoren e Kuvendit, opozita u largua nga punimet e seances plenare te Kuvendit.
