⛅
Tiranë 15°C · Pjesërisht vranët 20 Nëntor 2026
S&P 500 7,028 ▼2.06%
DOW 48,824 ▼0.56%
NASDAQ 23,070 ▼3.39%
NAFTA 83.11 ▲0.81%
ARI 3,510 ▼4.77%
💱 VALUTAT
EUR/USD 1.0980 EUR/GBP 0.8373 EUR/CHF 0.9259 EUR/ALL 90.1176 EUR/MKD 61.4970 EUR/RSD 117.6181 EUR/TRY 55.4680 EUR/JPY 175.39 EUR/CAD 1.5727 EUR/USD 1.0980 EUR/GBP 0.8373 EUR/CHF 0.9259 EUR/ALL 90.1176 EUR/MKD 61.4970 EUR/RSD 117.6181 EUR/TRY 55.4680 EUR/JPY 175.39 EUR/CAD 1.5727
₿ CRYPTO
BTC $58,343 ▼ -7.08% ETH $1,616 ▼ -8.9% XRP $0.9056 ▼ -6.79% SOL $68.8600 ▼ -6.81%
S&P 500 7,028 ▼2.06 % DOW 48,824 ▼0.56 % NASDAQ 23,070 ▼3.39 % NAFTA 83.11 ▲0.81 % ARI 3,510 ▼4.77 % S&P 500 7,028 ▼2.06 % DOW 48,824 ▼0.56 % NASDAQ 23,070 ▼3.39 % NAFTA 83.11 ▲0.81 % ARI 3,510 ▼4.77 %
EUR/USD 1.0980 EUR/GBP 0.8373 EUR/CHF 0.9259 EUR/ALL 90.1176 EUR/MKD 61.4970 EUR/RSD 117.6181 EUR/TRY 55.4680 EUR/JPY 175.39 EUR/CAD 1.5727 EUR/USD 1.0980 EUR/GBP 0.8373 EUR/CHF 0.9259 EUR/ALL 90.1176 EUR/MKD 61.4970 EUR/RSD 117.6181 EUR/TRY 55.4680 EUR/JPY 175.39 EUR/CAD 1.5727
20 Nën 2026
Breaking
Bota

Pas incidentit me raketa dhe dronë rusë në Poloni, Rutte viziton Varshavën të shtunën

Sekretari i Përgjithshëm i NATO-s, Mark Rutte, do të vizitojë Varshavën të shtunën, pas incidentit të fundit me dy raketa ruse dhe një dron që shkelën hapësirën ajrore polake.

Lajmin e bëri të ditur kryeministri i Polonisë, Donald Tusk, i cili kërkoi forcimin e menjëhershëm të mbrojtjes ajrore në krahun lindor të Aleancës.

Gjatë një konference për shtyp të premten, Tusk deklaroi se kishte zhvilluar një bisedë me sekretarin e përgjithshëm të NATO-s, Mark Rutte, pas incidentit të ndodhur në orët e mëngjesit, në kohën kur Rusia po ndërmerrte një tjetër valë sulmesh ndaj Ukrainës.

“Po diskutojmë se si do të përgjigjemi”, u shpreh Tusk, duke konfirmuar se Rutte do të mbërrijë në Varshavë të shtunën dhe do të jetë në dispozicion të mediave për t’iu përgjigjur pyetjeve lidhur me reagimin e NATO-s.

Kryeministri polak u bëri thirrje gazetarëve që ta shfrytëzojnë vizitën për të marrë më shumë informacion mbi masat që udhëheqja e NATO-s synon të ndërmarrë pas incidentit të fundit.

Tusk theksoi se pret që Aleanca të reagojë duke forcuar menjëherë mbrojtjen ajrore në krahun lindor të saj.

“Gjithmonë përpiqem të mos krijoj panik dhe të jem një partner serioz për ata me të cilët flas, por këtë herë do të pres vërtet, jo brenda orëve, por gjatë ditëve dhe javëve në vijim, vendime praktike për forcimin e aftësive tona të mbrojtjes ajrore”, deklaroi ai.

Vizita e Mark Rutte në Varshavë pritet të jetë në fokus të diskutimeve mbi sigurinë e krahut lindor të NATO-s dhe përgjigjen e Aleancës ndaj incidenteve të fundit në hapësirën ajrore polake.

Komentet

Bëhu i pari që komenton!

Lini një Koment të Ri

Për t'u përgjigjur një komenti specifik, kliko butonin 💬 Përgjigju poshtë atij komenti.

🔒 Komenti juaj do të publikohet pas miratimit nga moderatori.