Pasi ikin ambasadorët, plas ‘sherri’ në grupit e PS, ministrja Nikolla dhe deputetja Hafizi

Mbledhja e sotme e grupit parlamentar të Partisë Socialiste nuk ka shkuar aq qetë, pas largimit të ambasadorit amerikan Donald Lu dhe asaj të BE-së, Romana Vlahutin.

Nga burime brenda PS-së thuhet se ka pasur një debat të fortë mes ministres së Arsimit Lindita Nikollës dhe deputetes së Shkodrës, Mimoza Hafizi.

Një status i disa ditëve më parë i deputetes Hafizi, e cila denonconte shkarkimin nga puna të një mësueseje, duket se ka qenë pikënisja e konfliktit në mbledhjen e grupit të PS-së.

Hafizi ka kërkuar llogari për shkarkimin e mësueses, që sipas saj është hequr nga detyra pasi është cilësuar si mbështetëse e ‘lëvizjes Blushi’.

Ndërkohë, mësohet se pjesë e debatit është bërë edhe kryeministri Edi Rama.

Pas këtij debati, deputetja Hafizi ka braktisur mbledhjen e grupit parlamentar të PS-së.