PD dhe aleatët bien dakord, ja propozimi i tyre për reformën zgjedhore

Propozimi konkret i demokratëve për reformën elektorale është ai i zhvillimit të votimit dhe numërimit elektronik.

Prej mëse dy orësh në selinë e Partisë Demokratike u mbajt një takim mes partive të koalicionit opozitar. Nënkryetari demokrat Edmond Spaho i cili drejtoi këtë mbledhje tha në një prononcim për mediat ku tha se është rënë dakord  me aleatët që t’i propozohet komisionit të reformës zgjedhore  votimi  dhe numërimi elektronik i votave, financimi i partive politike nga  buxheti i shtetit, ndërsa çështje të tjera të platformës do të diskutohen javën e ardhshme.

“Në kuadër të përpjekjeve të përbashkëta që po bëjmë për hartimin e një platforme për zgjedhje të lira dhe të ndershme, tryeza e koalicionit të partive të djathta sot diskutoi rreth sistemit të votimit dhe numërimit dhe arritëm në konkluzionin e përbashkët për të mbështetur praktikën e votimit dhe numërimit elektronik, votimin biometrik dhe numërimin elektronik. Në tryezat e ardhshme të koalicionit do të vazhdojmë me çështje të tjera të cilat përfshijnë sistemin zgjedhor, financimin e partive politike, marrëdhëniet me mediat, depolitizimin e mëtejshëm të sistemit zgjedhor dhe çështje të tjera të cilat janë me interes për të gjithë partitë pjesëmarrëse në këtë koalicion”, u shpreh Spaho.