PD, homazhe tek memoriali i Azem Hajdarit

Kryetari i PD, Lulzim Basha, ish-kryetari Sali Berisha dhe deputetë të tjerë të kësaj partie, në kuadër të Ditës së Dëshmorëve, kanë bërë homazhe pranë memorialit të Azem Hajdarit, në Tiranë.

Të pranishëm në këtë homazh, të mbajtur pranë ish-selisë së Partisë Demokratike, kanë qenë edhe bashkëshortja e të ndjerit Hajdari dhe djemtë e tij.

Të pranishmit kanë vendosur lule tek memoriali i të ndjerit Hajdari dhe kanë mbajtur një minutë heshtje në nder të tij.